Një 59-vjeçar është arrestuar mëngjesin e sotëm në Prizren, pasi kishte shtënë tri herë me armë zjarri në drejtim të vajzës së tij, pas një konflikti verbal.
Policia bën të ditur se të dyshuarit i është marrë arma nga dora, dhe i njëjti më pas është larguar nga shtëpia, përcjell teve1.info
Tutje, theksohet se i dyshuari kishte njoftuar policinë se ka gjuajtur në drejtim të vajzës së tij dhe “nuk e di a ka vrarë apo jo”.
“Me datë 14 prill 2023, rreth orës 07:00, në fshatin Randobravë , KK Prizren, një person i dyshuar (N. H. 59 vjeç), pas një konflikti verbal me familjarët e tij ka nxjerr armën e zjarrit- pistoletën dhe ka shtën tri here në drejtim të vajzës së tij (A. H. 31 vjeçe). Djali i të dyshuarit ka arrit që me forcë të ia merr armën nga dora babait të tij dhe i dyshuari është larguar nga shtëpia. I dyshuari fillimisht nëpërmes telefonit ka raportuar policin se e ka gjuajtur në drejtim të vajzës së tij dhe se nuk e din a e ka vrarë apo jo dhe në ndërkohe është vetë dorëzuar në Stacionin Policor Prizren”, thuhet në njoftim.
Në njoftim po ashtu bëhet e ditur se asnjë person nuk është vrarë apo lënduar.
“Por në ndërkohë në Stacioni Policor Prizren veri kanë arrit dy viktimat (motër e vëlla) të cilët e kanë dorëzuar armë gjithashtu. Asnjë person nuk ishte vrarë apo lënduar. Nga Policia është bërë këqyrja e vendi të ngjarjes, mbledhje e provave dhe dëshmive dhe intervistimi i të dyshuarit dhe viktimave”, theksohet në njoftim.
Me urdhër të prokurorit të shtetit, të dyshuarit i është shqiptuar masa e ndalimit për 48 orë. /Teve1.info/
