Policia e Kosovës ka bërë të ditur se gjatë 24 orëve të fundit janë regjistruar 52 aksidente trafiku në mbarë vendin.
Nga këto, 33 aksidente kanë rezultuar vetëm me dëme materiale, ndërsa 19 aksidente kanë shkaktuar lëndime trupore te personat e përfshirë.
Përveç aksidenteve, autoritetet policore kanë intensifikuar kontrollet në rrugë, duke shqiptuar gjithsej 2 mijë e 244 gjoba trafiku për shkelje të ndryshme të rregullave të qarkullimit rrugor.
Gjatë të njëjtës periudhë, policia ka arrestuar 12 persona, ndërsa 8 të tjerë janë dërguar në mbajtje, për shkak të shkeljeve të rënda ligjore.
Policia e Kosovës ka ritheksuar apelin për kujdes të shtuar në trafik, duke u bërë thirrje të gjithë pjesëmarrësve në komunikacion që të respektojnë rregullat dhe shenjat rrugore, me qëllim të parandalimit të aksidenteve dhe rritjes së sigurisë në rrugë.
