Pamjet si kjo, banorët e fshatrave të Vitisë po i shoqërojnë tash e një muaj.
Ky zjarr përfshiu mbrëmjen e së premtes fshatin Zhiti.
Gjithë kjo pjesë malore e këtij fshati ishte në këtë formë duke dëmtuar kështu edhe fushat e saj.
E komandanti i zjarrfikësve në Viti, Hetem Jakupi thotë se kjo dukuri është shpeshtuar ku brenda 10 ditësh kanë intervenuar në 50 zjarre.
Hetem Jakupi tregon se në shumicën e rasteve faktori njeri është shkaktar i këtyre zjarreve.
Derisa bën apel te qytetarët që të kenë kujdes, për shkak se kanë edhe numër të vogël të zjarrfikësve.
Zjarrvëniet e qëllimshme po vlerësohen si shqetësuese edhe nga përfaqësuesit e shoqërisë civile, ku thonë se të gjithë duhet ndëshkuar.
Kenan Gashi nga Avonet kërkon më shumë efikasitet nga organet e sigurisë dhe drejtësisë ndaj këtyre personave të papërgjegjshëm.
Javëve të fundit ka pasur një numër të madh të zjarrvënieve, ku edhe së fundmi një zjarrfikës ka vdekur në krye të detyrës.
