Ish-themeluesit dhe punëtorët e gazetës së parë kombëtare shqiptare pas luftës së dytë botërore, “Zëri i Kosovës” u mblodhën të martën në hapësirat e Institutit Albanologjik. Kjo në kuadër të akademisë për 50 vjetorin e kësaj gazete.
Përgatitjet e para kishin filluar në vitin 1973.
Por, vetëm një vit më vonë, ishte botuar edhe numri i parë.
Kështu me 1 shkurt, doli nga shtypi gazeta e parë kombëtare shqiptare pas luftës së dytë botërore.
E të martën, shumë nga ata që punuan në gazetën “Zëri i Kosovës”, u mblodhën edhe një herë.
Kjo me rastin e organizimit të akademisë kushtuar 50 vjetorit të kësaj gazete.
“Me zgjedhjen e udheqesisë së Grupit Revolucionar të Kosovës, një ndër punët më të rëmdësishme që nisi organizata, ishte padyshim edhe fillimi i botimit të organit të tij të shtypit. Pas diskutimit të disa propozimeve për emrin, u vendos që organi të quhej “Zëri i Kosovës””, tha drejtori i Instituit Albanologjik, Lulzim Lajçi.
Por, çfarë përmbante kjo gazetë?
Mehmet Hajrizi, ish-redaktor në gazetën “Zëri i Kosovës”
“Shtypi ynë, ndryshe nga ai zyrtar, shpërfaqte anën tjetër të Kosovës, anën reale, me gjendjen nën robëri, shpritin luftarak të popullit shqiptar që duhej zgjuar”, u shpreh ish-redaktori i gazetës, Muhamet Hajrizi.
E kryeredaktori i kësaj gazete, tha se “Zëri i Kosovës” u themelua nga Grupi Revolucionar të Kosovës.
“Së pari, buletini “Zëri i Kosovës” ishte organ i Grupit Revolucionar, dhe së dyti, edhe punimi intern “Udhëzime për Konspiracion” ishte punim i përgatutir nga organi i Grupit Revulcionar”, tha ish-kryeredaktori, Xhafer Shatri.
Fjalimet e gjata, bën që disa nga të pranishmit ta lirojnë sallën.
E për ta, folësit kishin një porosi.
Në këtë formë, përfundoi edhe akademia për nder të 50 vjetorit të gazetës “Zëri i Kosovës”.