Që nga viti 2016 vepron në atë lokacion.
Ky është MTS.d.o.o, kompani e themeluar në bazë të Marrëveshjes së Brukselit për Telekomunikacionin e Kosovës dhe Serbisë në vitin 2015.
Kjo kompani që financohet direkt nga Telekomi i Serbisë, e paguan për vetëm 50 metrin katror në Mitrovicë të Veriut.
Vendimi për këtë shumë të pagesës ishte marrë sa ka qenë në udhëheqje të komunës, Lista Serbe dhe ministri i atëhershëm i Ministrisë së Administrimit të Pushtetit Lokal, Ivan Todosijeviq.
Këtë e ka konfirmuar për Tëvë1 Kryesuesi i Kuvendit Komunal të Mitrovicës së veriut, Nexhat Ugljanin.
Ai thotë që ka një diferencë me pagesën që paguajnë bizneset tjera të metrit katror.
“Janë dhënë disa prona për 0.50 cent metra katrorë e janë kompanitë si për shembull Telekomi, MTS e cila funksionon shembull ku paguhet hapësira 4 euro në çdo lokal në pjesën veriore, kurse një kompani si MTS a Telekomi i cili funksionon hala nën ombrellën e Republikës së Serbisë dhe ka sigurisht përkrahje financiare që me pagua 0.50 cent metrin katrorë, është kundërshtim me atë popullatë që paguan 4 euro”, tha Ugljanin.
Ugljanin pret që këtë vendim të Listës Serbe i cili daton nga viti 2016, ta anulojnë së shpejti
“Sigurisht ne disa vendime që do vijnë me radhë që do t’i anulojmë sepse nuk janë në përputhje me ligjshmërinë, sepse është ajo që kanë qenë ministrat në pozita nga komuniteti serb sepse kanë qenë edhe do lëshime ku faktikisht janë pranuar vendime nga ministria e Pushtetit Lokal. Sigurisht me raportim dhe koordinim me ministrinë e Pushtetit Lokal do t’i marrim hapat konkret për anulim të atyre vendimeve”, tha ai.
Ndërkaq, kryetari i komunës, Erden Atiq tha që nuk do të lëshojnë pe në raste që vlerësojnë se shkelet kushtetutshmëria e shtetit.
“Nuk kemi lëshua pe asnjëherë në kuptimin e shtrirjes së institucionalizimit dhe shtrirjes së institucioneve të Republikës së Kosovës në këtë komunë dhe në këtë pjesë të Republikës së Kosovës. Edhe në aspektin ligjor me shtri sa më shumë institucionalizimin e Republikës së Kosovës në këtë komunë”, tha Atiq.
Qeveria e Kosovës pretendon se dhjetëra kompani të tjera, shkelin rendin kushtetues të Kosovës në veri.
