Avokati Tomë Gashi parashikon që kryeministri Albin Kurti do të pranojë të takohet me kryeministrin e Shqipërisë, Edi Rama.
Sipas Gashit, njëra prej arsyeve është heqja dorë e Ramës nga iniciativa e ‘Ballkanit të Hapur’, për të cilën kryeministri i Shqipërisë kishte thënë se e kishte kryer misionin për të cilin lindi.
“KM Rama e kuptoi kete me vonese, por, me mire vone se kurre! Ai publikisht deklaroi zhberjen e Open Balkan, duke befasuar edhe vet Vuciqin per kete veprim te mencur. Tani, fokusi eshte tek Procesi i Berlinit i cili, ne tetor, do te mbahet ne Tirane”, ka shkruar Gashi.
Arsyeja tjetër sipas Gashit është pranimi i Ramës që t’i nënshkruajë 13 marrëveshjet e parapara për t’u firmosur në mbledhjen e dy Qeverive, e të cilat ju dorëzuan Ministrisë së Punëve të Jashtme.
“Sot, KM Rama e beri publike se, pas refuzimit per takim nga ana e KM Kurti, i ka derguar 13 marreveshjet ne Ministrine e Puneve te Jashtme te Kosoves, te nenshkruara nga Qeveria e Shqiperise, ne pritje qe te njejtat t’i nenshkruaje edhe Qeveria e Kosoves. Tani, normalisht qe KM Kurti do te takohet me KM Rama – sepse nuk ka me Open Balkan dhe marreveshjet u nenshkruan”, ka shkruar Gashi.