Kryetarët e zgjedhur për Komunën e Zubin Potokut dhe Zveçanit pritet të betohen të enjten, më 25 maj, raporton teve1.info
Lajmin për teve1.info e ka konfirmuar zyrtari i PDK-së, Betim Gjoshi, i cili tha se betimi do të bëhet në kuvendet përkatëse komunale, në Çabër, përkatësisht në Boletin.
“Të dy komunat që i ka fituar PDK në zgjedhjet e 23 prillit, kanë ftuar brenda afatit ligjor, seancat e tyre për datën 26 maj, por ftesat është bërë nga asamblistët më të vjetër në këto dy komuna, ashtu siç e thotë ligji. Në këtë rast, ka qëlluar që në të dy asambletë, asamblistët më të vjetër të jenë nga radhët e Vetëvendosjes. Janë dërguar ftesat për datën 26 maj, por me kërkesë të ministrisë i kanë ndërruar datat dhe është vendosur më 26 maj. Betimi do të bëhet në objektet komunale, përkatësisht në Çabër dhe Boletin”, ka thënë ai.
Ndërsa, kryetari nga PDK, Izmir Zeqiri, për teve1.info, ka thënë se betimi do të mbahet nga ora 10:00, në objektin komunal në Çabër.
Siç raportin KP, edhe Lulzim Hetemi nga Lëvizja Vetëvendosje pritet të betohet si kryetar i Leposaviqit, në të njëjtën datë.
Peci e Zeqiri bashkë me Hetimin janë kandidatët që kanë fituar më së shumti vota në Zveçan e Zubin Potok në zgjedhjet e 23 prillit, që u karakterizuan me dalje të ulët të pjesëmarrjes në votime.
Ndërkaq, kryetari i Mitrovicës veriore, Erden Atiq u betua të premten si kryetar i ri i kësaj komune. /teve1.info/
