Rama pas adresimit të presidentit të Ukrainës, Volodymyr Zelensky, para deputetëve të Kuvendit të Shqipërisë, tha se edhe pse vend i vogël e me mundësi të pakta, do të jenë zëri i Ukrainës në NATO, OKB e institucione tjera.
Ai u shpreh se Shqipëria dhe gjithë shqiptarët duke përfshirë edhe Kosovën, dënojnë invazionin rus.
“Mundësitë tona për t’ju ardhur në ndihëm janë modeste. Shqipëria do të jetë zëri i juaj. Historia jonë e afërt ku gjysmë milionë shqiptarë u shpërngulën me dhunën e spastrimit etnik nga trojet e tyre në Kosovë dhe gjetën strehën në Shqipëri, na ndihmon ta ndjejmë nga larg dhimbjen e Ukrainës”, ka thënë Rama.
Ai ka bërë të ditur se në konferencën e donatorëve që do të mbahet në Poloni për të ndihmuar Ukrainën, Shqipëria do të jap kontributin e saj.
Rama ka shprehur gatishmërinë për të pranuar qytetarët e Ukrainës, siç ka thënë ai në shtëpinë e tyre të dytë në Shqipëri./teve1.info/
