Qytetarë të shumtë të hënën strehë nga reshjet e shiut gjetën nën pemët e kryeqytetit në mungesë të një pritoreje të autobusit.
E disa të tjerë, ishin nën ombrellat që mbanin në duar.
Në këtë lokacion në qendër të kryeqytetit kalojnë pothuajse të gjitha linjat e trafikut urban dhe numri i udhëtarëve që presin është i madh.
Njëri nga udhëtarët që e shfrytëzon këtë stacion çdo ditë është Shemsedin Sherifi.
“Nuk është në rregull atu, në vend se m e qenë më komod, me pas ku me u ulë me prit sa ma shlirshëm mendoj se sa më shpejtë të kryhen këto, reshjet normal qe u dashtë me pritë në pritore e jo këtu e mos me nejt këtu, edhe temperaturat e larta pjesërisht ndikojnë negativisht”, thotë qytetari Shemsedin Sherifi.
Gjithashtu fare pritore nuk ka edhe në Lagjen “Lakrishtë” të Prishtinës.
Edhe këtu qytetarët thonë se mungesa e një pritoreje po u pengon atyre.
“Po në këto kushte në të cilat qëndrojmë duhet me kanë me ekzistu, mbuloja me kanë naj ulëse këtu, me u ul naj plak, naj plakë naj i rritur, naj fmi, shumë normale por nuk ekzistojnë e pse nuk ekzistojnë unë nuk e kuptoj, nuk është kjo zgjidhje nuk është në rregull, këto obligime duhet me i marrë komuna”, shprehet Hamdi Morina-qytetar
Pritja në trotuar po i krijon vështirësi qytetarëve.
Televizioni ka tentuar të marrë përgjigje nga Drejtoria e Shërbimeve Publike për këtë çështje, por e njëjta i është përgjitur interesimit të televizionit deri në momentin e publikimit të kronikës.
Vendosja e këtyre pritoreve sipas Drejtorit të Shërbimeve Publike, Ilirik Musliu ishte prioritet në vitin 2022 , ku të njëjtat edhe do dixhitalizoheshin.
Kronika e realizuar nga gazetarja Riga Gjata
