Gjatë ditës në media është raportuar se disenjatori, Valdrin Sahiti është arrestuar në Aeroportin e Turqisë.
Në lidhje me këtë në një përgjigje nga Ministria e Punëve të Jashtme dhe Diasporës për teve1, thuhet se nuk kanë ndonjë informacion zyrtare dhe janë duke pritur përgjigje nga autoritetet turke.
“Ju njoftojmë se Ministria e Punëve të Jashtme dhe Diasporës(MPJD), është ende në pritje të informacioneve zyrtare nga autoritetet turke, rreth rastit në fjalë”.
Ndryshe, Valdrin Sahiti është pajisur me pasaportë diplomatike në dhjetor të vitit 2020, me vendim të ish-ministres së Punëve të Jashtme dhe Diasporës, Meliza Haradinaj.
Tutje thuhet se në mungesë të konfirmim zyrtare, nuk mund të flasin për masat që duhet marrë në raste të tilla.
“Meqenëse deri në këto momente MPJD nuk ka asnjë konfirmim zyrtar rreth rastit, ne nuk mund të flasim për masat që duhen marrë në të tilla raste ngase varet nga informacionet zyrtare që do ti pranojmë gjatë ditës”.
