Zyra e Kryeministrit ka njoftuar se gjatë takimit Kurti ka deklaruar se vendimi për aplikim në BE i përgjigjet thirrjes dhe aspiratave të qytetarëve të vendit.
Po ashtu, kryeministri Kurti ka renditur edhe disa nga arsyet tjera të aplikimit të Kosovës për të qenë pjesë e këtij mekanizmi ndërkombëtar.
“Së dyti, shtoi më tej kryeministri, aplikimi përmbush dhe synon që ta realizojë premtimin e BE-së gati 20 vjet më parë në Samitin e Selanikut, dhe tash së fundmi në Samitin e Tiranës për një proces të përshpejtuar të anëtarësimit. Së treti, besimi se momenti është i duhur duke marrë parasysh faktin se Kosova është vendi më demokratik në rajon, tha kryeministri Kurti”, thuhet në komunikatë.
Kurti, siç njofton ZKM-ja, ka falënderuar deputetin e PE-së, Lukas Mandl për ftesën dhe mundësinë e dhënë dhe ka falënderuar këtë institucion për mbështetjen e vazhdueshme për Kosovën në liberalizim të vizave dhe anëtarësim në organizata ndërkombëtare.
