Pjesëtarët e Policisë së Kosovës nga komuniteti serb të cilët kanë nisur të hënë punën në veri po përballen me kërcënime
Ato po bëhen në rrjete sociale në Serbi.
Sipas faqeve të cilat po zhvillojnë fushatë linçimi, 46 zyrtarët e rinj policorë që i përkasin komunitetit serb, kanë gabuar kur u bënë e pjesë e Policisë së Kosovës, kjo pasi sipas tyre ky institucion i sigurisë, po i arreston qytetarët serbë. Ani pse pikërisht këta të fundit, u sollën para drejtësisë për shkak të sulmeve ndaj pjesëtarëve të KFOR-it e gazetarëve.
Kërcënimet nëpër rrjetet sociale, I konfirmoi për tëvë1 edhe Policia e Kosovës, megjithatë, thonë se nuk kanë informacion për ndonjë kanosje.
“Ju informojmë se në Drejtorinë Rajonale Mitrovicë Veri, kanë filluar punën 74 zyrtarë policorë të komunitetit serb dhe të tjerë. Ata janë të shpërndarë në mbarë Veriun e Kosovës në varësi të nevojave të stacioneve policore. Sa i përket çështjeve tjera rreth kanosjeve , nuk ka informacion për ndonjë rast të raportuar, përjashtuar komenteve/kanosjeve në rrjetet sociale, të cilat Policia i posedon dhe i trajton” , thuhet nga Policia e Kosovës.
E anëtari i Komisionit për Siguri dhe Mbrojtje nga partia në pushtet, Enver Dugolli thotë se kjo fushatë e linçimit ndaj këtyre policëve nuk është diçka e re dhe si e tillë, vjen nga Beogradi.
Këto kërcënime i quan të papranueshme edhe njëri nga ish-drejtorët e këtij institucioni, Rashit Qalaj.
Sipas tij, nuk është e lehtë të përballohen presione të tilla nga policët e rinj, teksa shton se kjo mund të ndikojë edhe në ushtrimin e funksionit të tyre.
Këto kërcënime i dënoi ambasadori amerikan, ai gjerman, i Britanisë së Madhe e shefi i EULEX-it. Ndërsa krerët shtetërorë të Kosovës, kërkuan që faktori ndërkombëtare të jetë I zëshëm ndaj trysnive të vazhdueshme të Beogradit.
Punën në pjesën veriore të Kosovës e filluan 74 zyrtarë policorë, prej tyre 46 të komunitetit serbë.
