Hoti tha se në mbledhjen e sotme të qeverisë përveç vendimeve të tjera, është dashur të mirret edhe ai për ndarjen e mjeteve për këto komuna.
“Shumë vendime qenkan marrë në mbledhjen e Qeverisë sot, por asnjë cent nuk qenka ndarë për kompensimin e familjeve që pësuan nga vërshimet në Skënderaj, Klinë, Istog, Mitrovicë e komuna të tjera. Rezerva shtetërore është për situata kur ndodhin shpenzime të paparashikuara”, ka shkruar Hoti.
Teksa ka ftuar Qeverinë që menjëherë të ndajë një shumë fikse për gjërat bazike pasi sipas tij, disa familje kanë humbur edhe rrobat e trupit.
“Ftoj Qeverinë tu ndajë këtyre familjeve menjëherë një shumë fikse për gjërat elementare të jetës: shporet, frigorifer, shtrat, tepihë dhe ushqime bazike. Disa familje kanë humbur edhe rrobat e trupit. Ka familje me të moshuar e fëmijë shumë të vegjël, të cilët nuk mund të kthehen në shtëpitë e vërshuara pa u meremetuar plotësisht. Asnjë meremetim nuk mund të bëhet në këto kushte atmosferike”, ka shkruar ai.
Sipas Hotit, ka kohë për vlerësim të detajuar të dëmeve, si në ekonomitë shtëpiake, ashtu edhe në biznese e bujqësi./teve1.info./
