Një qytetare nga Gjakova i është nënshtruar një ndërhyrje urgjente në Klinikën e Pulmologjisë, i cila ishte në rrezik për jetë, pasi kishte gëlltitur një kurorë dhëmbësh gjatë një ndërhyrje stomatologjike.
Sipas njoftimit të SHSKUK-së, qytetares e lindur më 1986, i ishte keqësuar gjendja ku kishte probleme me frymëmarrje dhe kollitje, përcjell teve1.info
“Pacientes A.D. ( 1986), nga Gjakova, e cila gjatë ndërhyrjes stomatologjike tek stomatologu, kishte gëlltitur një kurorë dhëmbësh, duke i depërtuar në rrugët e frymëmarrjes i ishte keqësuar gjendja shëndetësore, duke e rrezikuar seriozisht shëndetin e saj, me simptoma të frymëmarrjes së vështirësuar dhe kollitje. Me urgjencë ishte sjellur në Klinikën e Pulmologjisë, ku mjekët e klinikës konstatuan se duhet të bëhet ndërhyrje urgjent përmes bronkoskopisë, duke hequr kurorën nga rrugët e frymëmarrjes dhe duke i shpëtuar jetën”, thuhet në njoftim./teve1.info/
