Policia kanë thënë se asnjë person nuk është lënduar nga djegia e tërësishme e autobusit sot në rrugën Prishtinë –Podujevë, saktësisht në fshatin Besi të kryeqytetit.
PK ka bërë të ditur se së bashku me zjarrfikësit kanë dalë menjëherë në vendin e ngjarjes. Ndërsa këta të fundit kanë arritur ta lokalizojnë shpejt zjarrin.
Motivet e djegies së autobusit nuk dihen ende.
“Aktualisht policia ka nisur ndërmarrjen e veprimeve hetimore për sqarimin e plotë të rrethanave që karakterizojnë ngjarjen”, ka thënë për teve1.info Flora Ahmeti, zëdhënëse e policisë për rajonin e Prishtinës.
Digjet në tërësi autobusi i përfshirë nga zjarri në magjistralen Prishtinë-Podujevë
