Në gjykatore u mblodhën për rastin e të akuzuarit për krime lufte, Sladjan Trajkoviq.
Por, kjo seancë nuk nisi fare punimet.
Kjo pasi që avokati i Trajkoviq, Dejan Vasiq ka pretenduar se nuk është pajisur me deklaratën e dëshmitarit Mehdi Gashi dhe se nuk është i gatshëm ta marrë në pyetje atë.
Por gjyqtari, Mentor Bajraktari potencoi se prokurorja, Florije Shamolli i kishte pohuar atij se e kishte dorëzuar dëshminë e dëshmitarit Gashi.
“Unë e kom thirrë prokuroren edhe e kom pyetë a i ke dorëzu deklaratat dhe më ka thënë që gjatë seancës ja ka dorëzu”,tha ai.
Prokurorja Florije Shamolli vazhdoi të insistonte se ia ka dërguar shkresat avokatit, madje dokumentin origjinal ia dorëzoi edhe në seancë.
“Unë e di që e ke marrë po që po ta dorëyoj edhe fizikisht, une se di qysh duhet me fol me këtë avokat”, tha ajo.
Më tej avokati Vasiq ka kërkuar të sigurohen edhe disa deklarata të dëshmitarëve që janë dhënë më herët në UNMIK, EULEX, Këshillin për Mbrojtjen e të Drejtave dhe Lirive të Njeriut dhe Polici të Kosovës.
“Prokuroja më ka premtu që do ti mi jep edhe deklaratat 2021 dhe 2022 dhe qe do ti drejtohen unmikut sepse mungojë edhe 3 deklarata”
Ish-polici serb Sladjan Trajkoviq ulët në bankën e të akuzuarit për krime lufte ndaj popullatës civile.
Ndaj tij Prokuroria Speciale e Republikës së Kosovës kishte ngritur aktakuzë më 12 korrik 2023.
Kronika e realizuar nga gazetarja Gresa Bardhecaj
