Në 43 vjetorin e demonstratave të vitit 1981, organizatorët kujtuan planet që kishin për arritjen e synimeve. Po ashtu ata rrëfyen edhe dhunën që u përdor ndaj tyre. Megjithatë shprehen krenarë që ia arritën qëllimit për të cilin u angazhuan.
“Sot Kosova është shtet, se aty në pankartat tona u shkru KOSOVA REPUBLIKË”
Këtë parullë që mbeti në historinë e shtetit të Kosovës e kujton në 43 vjetorin e fillimit të demonstratave të vitit 1981, Ali Lajçi.
Si një nga organizatorët e kësaj revolte gjithëpopullore Lajçi, tregon se si nisën përgatitjet e para të studentëve deri në arritjen e qëllimit të tyre.
Për Lajcin, ky vit ka qenë i studentëve, mirëpo nuk harron të përmend dhunën ndaj tyre përgjatë marsit.
Madje, Lajçi kujton edhe kohën e arrestimit dhe dhunën ndaj tij në burgje.
Pjesë e këtyre protestë si organizator ishte edhe Kadri Kryeziu.
Ne atë kohë 22 vjecar, Kryeziu rrëfen përpjekjet në demonstratat që tronditën ish Jugosllavinë.
Demonstratat që ndodhën në Kosovë, nisën si shprehje e pakënaqësisë së studentëve shqiptarë të Universitetit të Prishtinës, të cilët me 4 mars të vitit 1981, në Mensën e Studentëve brenda Qendrës së Studentëve në Prishtinë, protestuan spontanisht ndaj kushteve jo të mira, sipas tyre, në të cilat jetonin dhe studionin.
Por, më pas, më 11 dhe 27 mars, si dhe më 1 dhe 2 prill të vitit 1981, kërkesat fillimisht me përmbajtje sociale, evoluuan në kërkesa që shpërfaqnin pakënaqësitë politike, shoqërore dhe kombëtare.
