Çdo ditë i bënë bashkë.
E orët e para të mëngjesit për ta fillojnë me ndarjen e përgjegjësive.
Pas përfundimit, zyrtarët e Doganës në aeroportin e Prishtinës “Adem Jashari” vazhdojnë me punët e tyre.
Vigjilenca e doganierëve rritet sapo arrin aeroplani i parë me udhëtarë.
Aty fillojnë me ndalimin e personave për të cilët dyshohet se kanë gjëra të padeklaruara.
Më pas bëhet kontrolli në detaje përmes skanerit.
Dyshime pati se në këtë bagazh mund të ketë diçka ilegale…por që më pasi rezultoi negative.
E sipas drejtorit të Departamentit Rajonal Doganor për Prishtinë, Ardian Jashari, gjatë tremujorit të parë të këtij viti janë raportuar mbi 40 raste të parandalimit të kontrabandës.
“Vlen të theksohet se kur jemi tek zbulimeve të ndryshme, vetëm gjatë këtij tre mujori të parë të vitit 2025 deri më tani janë 42 raste të ndryshme të mallrave, ka elektronik, pajisje të teknologjisë së informacionit, pajisje medicionale, medikamente të ndryshme, aksesorë, bizhuteri që kanë një cmim më të lartë… 05:56 Medikamente të ndryshme të cilat po përdoren për bukuri tek individë të caktuar”, tregoi Jashari.
Përveç kësaj, Dogana e Kosovës ka edhe njësinë inteligjente, për çka Jashari thotë se identifikohen persona të cilët mund të jenë të involvuar në këto raste.
“Dogana ka edhe një njësit të inteligjencës të përbashkët më Policinë e cila operon në kuadër të Qendrës Nacionale të Menaxhimit të kontrollit të kufirit, që është obligim për menaxhim të integruar të kufirit, të cilët i pranojnë listat e pasagjerëve në baza ditore, prej secilit fluturim aty bëhet një analizë të përbashkët të rrezikut, shpeshherë ka aty indikator rreziku, ku niveli i rrezikut përcaktohet në bazë të indikatorëve të ndryshëm, në bazë të shpeshtësisë, në bazë të destinacionit nga vjen, a është paguar me kesh apo është transit”, tha ai.
Zyra doganore e cila operon në kuadër të Drejtorisë së Prishtinës, është njëra nga portat hyrëse të rëndësisë së veçantë për Doganën dhe Republikën e Kosovës.
