Sipas Demokracisë Plus, nga kjo matje del 40% e qytetarëve të anketuar mendojnë se asnjëra prej partive politike opozitare nuk është duke e mbikëqyrur në mënyre të duhur punën e Qeverisë.
“Në kuadër të matjes së opinionit publik, Demokraci Plus ka marrë qëndrimet e qytetarëve lidhur me mbikëqyrjen e Qeverisë nga ana e partive politike opozitare. Nga kjo matje, del se 40% e qytetarëve të anketuar mendojnë se asnjëra prej partive politike opozitare nuk është duke e mbikëqyrur në mënyrë të duhur punën e Qeverisë”, thuhet në njoftim.
Po ashtu, nga Demokracia Plus kanë bërë të ditur se në bazë të kësaj ankete, PDK dhe LDK janë vlerësuar nga qytetarët me 23.7% secila, ndërsa AAK me 9% dhe PSD me 2.9%.
“Matja e opinionit publik është bërë me mostër përfaqësuese në nivel vendi, nga data 5 deri 18 mars 2022”, thuhet më tej në njoftim. /teve1.info/
