Si të parandaloni ftohjet me zakone të përditshme që forcojnë sistemin imunitar dhe përmirësojnë mirëqenien gjatë muajve të ftohtë.
Me paralajmërimin e ekspertëve, është e rëndësishme të njihni disa strategji për të shmangur ftohjet dhe viruset e tjera sezonale. Temperaturat e ulëta dhe ajri i ftohtë mund të dobësojnë mbrojtjen e trupit, duke na bërë më të prekshëm ndaj viruseve që përhapen më lehtë në këtë kohë të vitit.
Megjithatë, ka zakone efektive të përditshme që mund të përvetësoni për ta mbajtur sistemin tuaj imunitar në gjendje të shkëlqyer dhe për ta përballuar dimrin me energji.
Duke mbajtur një dietë të ekuilibruar dhe duke bërë zgjedhje të vetëdijshme, jo vetëm që do ta mbroni shëndetin tuaj, por do të përmirësoni edhe mirëqenien tuaj të përgjithshme.
- Hani më shumë fibra për të forcuar mbrojtjen e trupit tuaj
Një nga hapat e parë për të shmangur një ftohje është të përfshini më shumë fibra në dietën tuaj. Fibra, veçanërisht ajo që gjendet në bishtajore si fasulet, është thelbësore për shëndetin e zorrëve.
Roli i tyre nuk kufizohet vetëm në tretje: fibra nuk zbërthehet nga enzimat tretëse, por fermentohet nga mikrobet e zorrëve, duke prodhuar komponime të dobishme. Këto substanca veprojnë si një “farmaci natyrale” për trupin, duke stërvitur qelizat imune për të njohur substancat e padëmshme dhe duke zvogëluar inflamacionin, një faktor që kontribuon në shumë sëmundje kronike.
Si të rrisni fibrat në dietën tuaj:
-Shtoni një porcion shtesë me bishtajore në vaktet tuaja.
-Spërkatni fara në mëngjesin tuaj.
-Pasuroni pjatat tuaja me perime të freskëta.
- Hani më shumë ushqime të fermentuara për të luftuar inflamacionin
Një tjetër këshillë e rëndësishme për të shmangur ftohjet është të hani ushqime të fermentuara. Ushqime si kosi, kefiri apo kimchi, janë të pasura me mikroorganizma të dobishëm që jo vetëm përmirësojnë tretjen, por edhe forcojnë sistemin imunitar. Një studim tregoi se përfshirja e ushqimeve të fermentuara në dietë rrit diversitetin e mikrobeve të zorrëve dhe zvogëlon inflamacionin.
Si të përfshini më shumë ushqime të fermentuara në rutinën tuaj të përditshme:
– Filloni ditën me kos të pasur me probiotikë.
– Shtoni kimchi në sallatat tuaja.
– Zëvendësoni ushqimet e zakonshme me ullinj ose turshi.
- Zvogëloni konsumin e alkoolit
Për të përmirësuar shëndetin tuaj të përgjithshëm dhe për ta mbajtur trupin gati kundër viruseve sezonale, është e rëndësishme të zvogëloni konsumin e alkoolit, të paktën deri në festa. Alkooli është një substancë toksike që mund të shkaktojë inflamacion në zorrë, duke ndikuar në funksionimin e sistemit imunitar.
Studimet kanë treguar se konsumatorët e rregullt të alkoolit kanë nivele më të ulëta të limfociteve , qelizave imune përgjegjëse për luftimin e infeksioneve.
Në vend të pijeve alkoolike, provoni:
– Kombucha, e cila është e gazuar natyrshëm dhe e pasur me probiotikë.
– Kokteje bimore dhe joalkoolike me përbërës natyralë.
- Zgjidhni ushqime të freskëta dhe natyrale
Së fundmi, një tjetër strategji e rëndësishme për të shmangur ftohjet është t’i kushtoni vëmendje etiketave të ushqimeve, veçanërisht produkteve ultra të përpunuara. Këto ushqime shpesh kanë shumë sheqer, yndyrë dhe kripë, të cilat mund të dëmtojnë mikrobiomën e zorrëve, të rrisin rrezikun e inflamacionit dhe të dobësojnë sistemin imunitar.
Nuk është e thënë t’i eliminosh plotësisht, por është e rëndësishme të bësh zgjedhje të vetëdijshme.
