Prokuroria Themelore në Prishtinë ka njoftuar se ka intervistuar disa zyrtarë të Institutit të Mjekësisë Ligjore për rastin e shpërthimit të zjarrit mbrëmë në IML.
Zyrtarët e intervistuar mbrëmë kanë qenë kujdestarë.
Në komunikatën e përbashkët me IML-në, Prokuroria thotë se është në pritje të raporteve me të gjeturat pas ekzaminimit dhe nëse vërtetohet sa ka vepër penal “ do të ndërmerren veprime”
“Prokurori i Shtetit ka lëshuar disa autorizime dhe në kuadër të veprimeve të ndërmarra janë intervistuar zyrtarë të IML-së, të cilët kanë qenë kujdestarë në kohën kur ka ndodhur incidenti. Prokuroria është në pritje të raporteve me të gjeturat nga ekzaminimet e kryera dhe në rast të paraqitjes së elementeve të veprës penale do t’i ndërmerrë veprimet e mëtjeme konform dispozitave të KPPRK-së. Po ashtu ju njoftojmë se, Prokurori i Shtetit në koordinim të plotë me Policinë e Kosovës, IML-në dhe institucionet e tjera relevante janë duke vazhduar me ndërmarrjen e veprimeve hetimore deri në sqarimin e plotë të rastit në fjalë”, thuhet në komunikatë, përcjell teve1.info.
Objekti i Institutit të Mjekësisë Ligjore është përfshirë nga zjarri mbrëmjen e së shtunës
Njëri prej zjarrfikësve në vendin e ngjarjes bëri të ditur për Tëvë 1, se si pasojë e zjarrit ka vetëm letra të djegura./teve1.info/
