Analisti politik, Visar Xani, ka thënë se Kosova rrezikon të mbetët jashtë agjendës së Këshillit të Ministrave të Këshillit Evropian, nëse nuk dërgohet në Gjykatën Kushtetuese draft-statuti i Asociacionit.
Mbledhja e Këshillit të Ministrave në KiE pritet të mbahet në mesin e muajin maj, ndërsa Xani ka vlerësuar se nëse Kosova mbetet jashtë agjendës do të jetë “një fatalitet politik”.
“Nëse nuk e kemi draft-statutin aty, (Gjykatë Kushtetuese), Kosova rrezikon të mos futet fare në agjendën e Këshillit të Ministrave dhe kjo do të ishte një problem në vete dhe një fatalitet politik për Kosovën, për shkak se për të arritur deri këtu ne e dhamë tokën e manastirit si kushtin e parë. Sepse ne e kemi ditë se do të vijë kushti i dytë, sepse në çdo hap që e kalojmë drejtë anëtarësimit do të kemi kushte dhe presione, ka thënë Xani në emisionin “Ditari” në Tëvë 1.
Ai ka vlerësuar se nëse BE dhe SHBA janë dakord për ta përkrahur Kosovën, lotimi i Serbisë kundër anëtarësimit të Kosovës në KiE nuk mund të ketë efekt.
Xani këtë e ka argumentuar me votat që Kosova mori në Asamblenë Parlamentare të KiE-së.
Megjithatë ai ka thënë se kjo mbështetje nuk do të jetë “gratis” dhe se duhet mbyllur disa çështje.
Xani ka thënë se ditët e ardhshme nga ajo çfarë kemi parë nga deklaratat do të shtohet presioni ndaj Kosovës për çështjen e draft-statutit të Asociacionit.
