Vuçiq ka thënë se Kurti “mund të shkojë në Bruksel kur të dojë, si të dojë, është dëshirë e tij”.
Vuçiq ka thënë se nëse për Kurtin çështja e statusit ka marrë fund edhe për të poashtu.
“A ka thënë se për të çështja e statusit ka marrë fund…edhe për mua çështja e statusit ka marrë fund për kohë të gjatë, në pajtim me Kartën e OKB-së dhe Rezolutën 1244 të OKB-së”, ka thënë Vuçiqi në Norvegji. “Kaloftë mirë në Bruksel”, citojnë mediat serbe deklaraten e tij.
Kurti në gazetën gjermane ditë më parë u shpreh se në Bruksel shkon për të negociuar për marrëveshjen finale, që sipas tij, duhet të arrihet deri në pranverën e vitit 2023.
Se Vuçiq nuk është i gatshëm për një marrëveshje përfundimtare e ka thënë edhe eksperti amerikan për Ballkanin Perëndimor, Alon Ben-Meir në një përgjigje për Teve1.info.
“Besoj se përpjekjet për normalizim duhet të vazhdojnë, ne nuk duhet të mbajmë frymën në pritje të një përparimi në këtë drejtim. Presidenti i Serbisë Vuçiq nuk është afër arritjes së ndonjë marrëveshjeje që do të normalizonte plotësisht marrëdhëniet me Kosovën dhe do të çonte në njohjen e pavarësisë së Kosovës nga Beogradi”, ka deklaruar ai./teve1.info/
https://teve1.info/lajmet/ben-meir-vuciq-nuk-eshte-i-gatshem-per-marreveshje-qe-con-ne-njohje-te-pavaresise-se-kosoves/?fbclid=IwAR3ABobSYLLyKuWSD45cPbudugfcxNnOxFx4UqbCFqFshvI-rf7wO4Iqzg0