Ministri i Shëndetësisë, Arben Vitia thotë se përpjekjet për të transformuar shërbimet mjekësore janë të mëdha, përcjell teve1.info
Ai ka marrë shembull shërbimin e rezonancës magnetike, duke thënë se në janar 2023 kishte vetëm një rezonancë magnetike në QKUK, teksa tani është shtuar një në spitalin e Peditrisë, një në Spitalin rajonal të Pejës, e një tjetër është në fazën përfundimtare në Spitalin e Prizrenit.
“Në janar 2023, në QKUK kishte vetëm 1 rezonancë magnetike dhe lista e pritjes ishte deri në 1 vit. Aktualisht: Një rezonancë magnetike e teknologjisë së fundit ne spitalin e pediatrisë u shtua. U bë funksionale edhe një rezonancë magnetike në Spitalin Rajonal të Pejës. Në fazën e përfundimtare procesi për rezonancën magnetike në Spitalin e Prizrenit. Në gusht 2023, asnjë rast urgjent për pacientët pediatrikë dhe onkologjikë nuk qëndron në pritje”, ka shkruar ai.
Tutje, Vitia ka thënë se lista për rastet tjera ka rënë në 4 muaj, “e po vazhdon të bie”.
“Vazhdojmë së bashku me stafin mjekësor punën për transformimin e shërbimeve mjekësore për qytetarët tanë. Sfidat janë të shumta, por edhe më të mëdha janë dhe përpjekjet”, ka shkruar ai në Facebook. /Teve1.info/
