Dikur ishin me dhjetëra.
Por, të premten, para objektit të Komunës së Zubin Potokut, nuk u panë policë.
E ata që kanë mbetur gjenden brenda objektit.
Kjo pasi që tashmë është implementuar marrëveshja për tërheqjen graduale të policëve nga katër komunat veriore.
25% të tyre u tërhoqën, duke e çuar kështu përqindjen totale në 50.
Njëjtë u veprua edhe në Leposaviq, Zveçan dhe Mitrovicë e Veriut.
Por, përkundër marrëveshjes së Bratislavës, tërheqjen e tyre nga Policia e Kosovës po e arsyetojnë edhe me gjendjen në terren.
Për njohësin e çështjeve politike, Nexhmedin Spahiu, nuk është fare problem që para pak jave nga qeveria thoshin se nuk do të ketë tërheqje. Pasi thotë se në veri u vendos një standard i ri.
Bile shkon edhe më tej.
Ndërkohë Qeveria e Kosovës ka shprehur dakordimin për mbajtjen e zgjedhjeve të parakohshme në katër komunat veriore.
Kronika e realizuar nga gazetari Arton Rama.
