Përmes një postimi në Facebook, ai thotë se ka qenë një proces i gjatë dhe që e kanë trajtuar atë dhe kanë theksuar se vendi gjatë vitit ka shënuar progres të madh në sundimin e ligjit.
“Ka qenë një proces i gjatë i takimeve konsultative me vendet skeptike, ku kemi marrë burimin e problemit. E kemi trajtuar atë dhe theksuar se vendi ynë gjatë vitit të fundit ka shënuar progres madhor në fushën e sundimit të ligjit, luftën kundër korrupsionit, forcimin e kontrolleve kufitare dhe menaxhimin e migrimit. Puna, përkushtimi dhe angazhimi në këtë proces, u riafirmua sot dhe nga të gjitha shtetet anëtare të BE-së”, thuhet në postim.
Tutje, Bislimi u shpreh falënderues ndaj Presidencës Çeke për vëmendjen e veçantë dhe përkushtimin në shtyrjen përpara të këtij procesi.
“Pas shumë viteve ngecje e pritjeve të tejzgjatura, çështja e liberalizimit të vizave ecën tutje në procedurat e vendimmarrjes në institucionet e BE-së, ku faza e rradhës është ajo ndër-institucionale mes Këshillit të BE-së dhe Parlamentit Evropian, nga ku presim që procedurat të kalohen shpejt dhe të kthehen në Këshillin e Ministrave për vendimin final”, shkroi ndër tjerash ai./teve1.info/
