Ai në emisionin “Info Nata” në Tëvë 1, deklaroi se të gjitha qeveritë paraprake nuk e kanë pasur prioritet turizmin malor – ani pse vendi ka shumë potencial për zhvillim.
“Po pikërisht ka qenë shtytje se duke qenë pjesë e turizmit edhe aktive d.m.th që me bizneset që i kemi, e kemi parë të udhës që të lëvizet në këtë drejtim. U bën 20 vite pas luftës dhe proceset nuk kanë shkuar ashtu siç duhet. Ka pasur shumë mangësi, fillimisht kanë qenë institucionale sepse qeveritë e kaluara nuk e kanë pasur prioritet turizmin duke pasur parasysh se Kosovës është diçka që i ka falë zoti ka dy gjëra: bujqësinë dhe turizmin malor. E dijmë që statistikave rreth 63 për qind të sipërfaqes së Kosovës është mbuluar me male dhe bjeshkë është një aset shumë i madh”, shtoi ai.
Sipas Thaçit, aktualisht nga Minisitria e Industrisë, Tregtisë dhe Ndërmarrësisë ka një iniciativë dhe interesim për “t’i shtyrë përpara proceset”.
“Tash e shoh gatishmërinë e Qeverisë, Ministrisë, konkretisht të MINT-it dhe aty e shoh interesimin e jashtëzakonshëm të ministres Hajdari, përkushtimin e saj për t’i shtyrë proceset që deri tash për fat të keq ajo Ministri ka pasur vetëm një divizon ose katër-pesë persona që janë marrë me punë që kanë marrë rrogën dhe nuk kanë bërë gjë për turizmin”, theksoi ai.
Po ashtu, i pari i kësaj Shoqate bëri të ditur se janë në pritje të miratimit e Ligjit për Turizëm, i cili është edhe pjesë e Strategjisë Kombëtare./teve1.info/
