Në seancën solemne të përbashkët të Kuvendit të Kosovës e Shqipërisë të dielën, ai përmendi edhe ish-krerët e Ushtrisë Çlirimtare të Kosovës.
Tahiri theksoi se ata janë heronj që po mbahen padrejtësisht në Hagë.
“28 nëntor i Skënderbeut i themel, 28 nëntorit i Ismail Qemalit si projekt, 28 nëntori i Adem Jasharit dhe UÇK-së, si akt përmbyllës janë tre 28 nëntor që i kanë dhënë vulë të drejtës sonë historike… Hashim Thaçi, Kadri Veseli, Jakup Krasniqi dhe Rexhep Selimi janë heronj që po mbahen padrejtësisht larg nesh”, shtoi Tahiri.
Po ashtu, në fund ai theksoi se e përbashkët e Kosovës dhe Serbisë është ajo euro-atlantike.
“E ardhmja jonë është e bashkuar, bashkim në zhvillim, bashkim në progres, bashkim me zemër, bashkim me vlerat tona të përbashkëta europerëndimore, të afërt me njëri-tjetrin , të hapur ndaj fqinjëve, si dhe një aleancë e përhershme me ShBA-të dhe të integruar në NATO dhe në familjen e madhe evropiane, kjo është rruga jonë, kjo është e ardhmja jonë, ky është misioni ynë, ky është qëllimi ynë i përbashkët”, u shpreh ai.
