Agjencia Informative e Sigurisë e Serbisë (BIA),të hënën përmes një letre dërguar Shërbimit Federal të Inteligjencës Zvicerane (FIS), i ka quajtur “pretendimet dashakeqe për përfshirjen e shërbimeve të sigurisë serbe në planifikimin e vrasjes së dikujt”.
Po ashtu në letrën e tyre ku dënohen këto pretendime BIA, siç raporton Tanjug, thuhet se pretendimet e tilla i shkaktojnë dëme Serbisë
“Në këto kohë të vështira, pretendime të tilla i shkaktojnë padrejtësisht dëme të pallogaritshme Serbisë dhe reputacionit të BIA-s dhe anëtarëve të saj, të cilët janë të përkushtuar dhe profesionistë në kryerjen e detyrave të tyre të punës ekskluzivisht në përputhje me ligjin. Përkundër të gjitha presioneve dhe përpjekjeve për të destabilizuar, BIA do të vazhdojë të punojë në ruajtjen e paqes dhe stabilitetit të Serbisë dhe qytetarëve të saj”, thuhet në deklaratën e “BIA”-s.
Marty kishte deklaruar se ishte planifikuar vrasja e tij nga shërbimet serbe, me qëllim që faji tu mbetje kosovarë.
Marty, përmes një raporti të publikuar kishte akuzuar UÇK-në për trafikim me organe të njerëzve, raport ky i cili u morë për bazë për themelimin e Gjykatës Speciale, në të cilën aktualisht janë duke u mbajtur në paraburgim disa nga ish-krerët e UÇK-së./teve1.info/
Lexo edhe
https://teve1.info/lajmet/inteligjenca-e-serbise-synoi-likuidimin-e-marty-t-per-tua-vene-fajin-kosovareve/
