Brenda kordonit të sigurisë në oborrin e komunës së Zvecanit, po shihen vetëm pjesëtarë të KFOR-it.
E prej Policisë së Kosovës u pa vetëm një veturë
Nga dakordimi i ri në mes BE-së dhe Qeverisë së Kosovës, brenda afatit prej dy javëve, kjo e fundit do të ulë për 25% numrin e zyrtarëve policor në katër komunat veriore.
Por pavarësisht dakordimeve me BE-në për shtensionim të situatës, qytetarët serbë po vazhdojnë të protestojnë në Zvecan.
Në mesin e protestuesve, po qëndron ulur edhe i pari i Listës Serbe, Goran Rakiq.
E me vete ka edhe ish deputetin e këtij subjekti politik, Igor Simiqin.
Ky nuk pranoi të flas para kamerës më ekipin e televizionit por prapa saj ka thënë që për uljen e numrit të forcave policore thotë se ka dëgjuar vetëm nga mediet.
Madje, Rakiq thotë se ende nuk ka marrë vendim se a do të marrë pjesë në zgjedhje, pasi sipas tij, kërkesa e protestuesve është që të largohen të gjithë policët nga pjesa veriore.
Ndërsa, më pak protestues u panë në komunën e Leposaviqit.
Mirëpo këtu kishte më shumë ekipe te KFOR-it për monitorim.
E një situatë ndryshe është në komunën e Zubin Potokut.
Këtu nuk ka fare qytetarë që po protestojnë, derisa brenda objektit të kësaj komune po qëndrojnë zyrtarë të Policisë së Kosovës, ndërsa pjesëtarë të KFOR-it nuk ka.
