Sipas autoriteteve ukrainase një person është vrarë dhe pesë të tjerë janë plagosur.
Me këtë rast Ukraina ngriti shqetësimet edhe se Rusia mund të synojë industritë kimike të vendit.
Këto pretendime vijnë pasi depot e naftës dhe vendet e tjera industriale ukrainase kanë qenë cak i sulmeve nga granatimet ruse kohëve të fundit.
Përndryshe, porti jetik i Ukrainës në Detin e Zi, Odesa, u vu nën sulm të përsëritur me raketa, duke përfshirë disa raketa hipersonike, disa orë pasi Rusia shënoi festën e saj më të madhe patriotike të njohur si “Dita e Fitores”, pa dhënë informacione të reja për luftën.
Ndërkohë zyrtarët ukrainas, britanikë dhe ata amerikanë paralajmërojnë se Rusia po përdor me shpejtësi stokun e saj të armëve precize dhe mund të mos jetë në gjendje të ndërtojë të reja, duke rritur kështu rrezikun e përdorimit të raketave më të pasakta gjersa konflikti vazhdon, shkruan AP, transmeton Tëvë1.
