Rizvanolli tha se ky propozim vjen si masë emergjente pas rritjes së çmimeve të energjisë në tregjet botërore dhe paralajmërimit të ndalimit të shitjes së energjisë nga disa vende.
“Si masë emergjente për energjinë të vlefshme deri 60 ditë të bëhet kufizimi i furnizimit me energji, mihja e kriptovalutave të ndalohet dhe masa tjera për të ndihmuar KOSTT-in në funksion të ruajtjes së sistemit të sigurisë, propozojmë shpalljen e masave emergjente fillimisht për 60 ditë nga data 1 por që me mundësi të vazhdimit të afatit për 30 ditë me shumicë votash, për periudhën maksimale deri në 120 ditë shtesë, varësisht nga gjendja në tregun evropian”, tha Rizvanolli në Kuvendin e Kosovës, ku i propozoi masat e reja për energjinë.
