Në seancën e Kuvendit ajo tha se kriza energjetike e ka gjetur Kosovën me prodhim të energjisë të pamjaftueshëm, duke thënë se as termocentralet, hidrocentralet dhe kapacitetet e eres e të diellit së bashku me hidrocentralet e Shqipërisë nuk e mbulojnë nevojën për energji elektike, shkruan teve1.info
Rizvanolli theksoi se Kosova duhet të blejë energji elektike në treg të jashtëm, teksa shtoi se aty çmimet janë rritur në mënyrë marramendëse.
“Ne gjendemi në një rrjet të përbashkët energjetik evropian që po vuan nga kjo krizë ekstreme, në vendin tonë kjo krizë e gjeti jo të vetmjaftueshëm me prodhim të energjisë, termocentralet, hidrocentralet dhe kapacitetet e erës e të diellit bashkë edhe me hidrocentralet e Shqipërisë nuk e mbulojnë nevojën që kemi për energji elektrike në të dy vendet, qoftë veq e veq qoftë të dyjat bashkë, kështu që na duhet një pjesë ta blejmë në tregë të jashtëm, aty çmimet janë rritur në mënyrë marramendëse”, tha ajo.
Rizvanolli u ka bërë apel qytetarëve të Kosovës që të kursejnë sa më shumë energjinë elektrike, duke thënë se familjet kosovare të përpiqen ta ndërrojnë mënyrën e ngrohjes duke mos u ngrohur me energji elektrike.
“Kursimi brenda mundësive në çdo ditë, çfarë mund të bëjnë familjet është të marrin masa për izolim të shtëpive para se të fillojnë temperaturat e ulëta, të përpiqen të ndërrojnë mënyrën e ngrohjes, pra jo me energji elektrike”, u shpreh ajo.
