Njësia A5 e Termocentralit Kosova A, është rikthyer në prodhim.
Kështu ka njoftuar ministrja e Ekonomisë, Artane Rizvanolli, e cila ka shkruar punonjësit e Kosovës A i kanë dhanë dhuratën më të mirë për ditëlindje; rikthimi i njësisë A5 në operim.
“Së bashku me menaxhmentin dhe punonjësit festova ditëlindjen dhe rikthimin e njësisë në termocentralin Kosova A. Në emër të Qeverisë dhe qytetarëve të Kosovës u shpreha mirënjohjen e pafund për punën me përkushtim për rikthimin e bllokut A5, si dhe për prodhimin me tri njësitë njëkohësisht përkundër sfidave”, ka shkruar ajo në Facebook.
Ky bllok ishte jashtë operimit që nga korriku i vitit 2022 për shkak te remontit.
Ndërsa, Korporata Energjetike e Kosovës ka njoftuar se njësia A-5, pas testimeve të rregullta provuese është rikthyer në operim me 06.05.2023 rreth orës 11:50 dhe është sinkronizuar me rrjetin duke ofruar kapacitetin prej rreth 140 MW/h. /teve1.info/
