Në Shqipëri ka kohë që ka nisur debati për president, pasi për pak javë i skadon mandati Ilir Metës.
Rama ka përjashtuar mundësinë që propozimi të vijë nga partia që udhëheq, PS.
“Nuk ka akoma një proces, e kam thënë dhe e përsëris që është shumë e qartë vija e kuqe për ne (PS). Ne nuk bëjmë asnjë negociatë dhe nuk kemi asnjë komunikim për të bërë në funksion të së ardhmes. Do të ishte shumë mirë të vinte përtej territoreve shqiptare, por Kushtetuta jonë parashikon që të zgjidhet dikush që 10 vitet e fundit ka jetuar në Shqipëri. Ne do të kishim vënë Hashim Thaçin dhe do ishte një president i shkëlqyer dhe do ta kishim votuar me bindjen dhe kënaqësinë më të madhe”, tha Rama të mërkurën mbrëma, përcjell Tch.
Rama e Thaçi njihen për miq të mirë. Thaçi, ish-president i Kosovës, aktualisht është në paraburgim në Hagë.
