“O vlla Agim, vlla i gjakut rreze drite po i bjen pragut”
Me këto vargje për komandantin Agim Ramadani, u hap manifestimi tradicional “Ditët e Shqipes”.
E për nder të 25 vjetorit të rënies së Katanës, në orën letrare “Shqipet e Mërgatës” u lexuan edhe disa vargje nga të pranishmit.
E me vargje në këtë përvjetor, heroin Ramadani e kujtoi edhe gruaja e tij, Shukrije Ramadani.
“Me duart që mi puthje aq shpesh, sot, zgjedhi lule për varrin tënd! Shpejt mbuloj tokën që mos ta shoh dheun që gjakun ta thithi ma unshëm se unë dashninë”, ishin fjalët nga Shukrije Ramadani , gruaja e Agim Ramadanit.
E ish-komandanti i Brigadës 138 “Agim Ramadani” ka zgjedhur të ndajë kujtimet e 11 prillit të vitit 1999.
E fshehja e lajmit për ushtarët që Agimi kishte vdekur ka zgjatur një javë.
Gruaja e tij, Shukrija thotë se së bashku me Komandant Berishën vendosin të mos tregojnë që të mos binte morali i ushtarëve në luftë.
“Të ruhej ai moral dhe ti bindim disi që Agimi është i gjallë dhe po i ndiqte. Bile shkova edhe një hap më tej sa shkova edhe në front dhe fjalët e fundit me Sali Çekun ishin AGIMI ËSHTË GJALLË sepse ti e di, ku është Agimi jam edhe unë dhe kur shkova në spitalin e Tiranës ku ishin me qindra të plagosur nga lufta e Kosharës secilit te koka iu kam afru e i kam thanë AGIMI ËSHTË GJALLË dhe të pret në front, nuk e di të them të drejtën nuk e di ku e kam marrë atë forcë”, tregon ajo.
E kujtimet për Agim Ramadanin i ka shumë të freskëta ish redaktori i gazetës Rilindja, Ibrahim Kadriu.
Madje ai ka edhe dhurata nga komandanti Katana.
Në këtë ceremoni u shpallën edhe tre çmime, për poezinë më të mirë kushtuar heroit Agim Ramadani.
