Prishtinë, 15 janar 2024 – Prokuroria Speciale e Republikës së Kosovës (PSRK), ka ngritur sot aktakuzë kundër të pandehurve: K.K , E.RR, B.Z, H.H, E.A, dhe G.T, për veprën penale Kontrabandim me Migrant.
Sipas Prokurorisë të akuzuarit me qëllim përfitimi kanë falsifikuar dokumente.
“Sipas aktakuzës të pandehurit: K.K , E.RR, B.Z, H.H, E.A, dhe G.T në bashkëveprim gjatë vitit 2023, në Republikën e Kosovës, por edhe në vendet tjera jashtë Republikës së Kosovës, me qëllim të përfitimit të dobisë pasurore për vete apo për tjetrin kanë falsifikuar dokumente të ndryshme, me qëllim që qytetarëve të ndryshëm tu mundësojnë kontrabandimin në vendet e ndryshme evropiane. Me këto veprime gjashtë të pandehurit dyshohet se kanë kryer veprën penale Kontrabandim me Migrant nga neni 164 par 1 dhe 2 lidhur me nenin e dhe 31 dhe 77 të KPRK-së”, thuhet në komunikatë./teve1.info/
