KEDS ka njoftuar se persona të panjohur mbrëmë rreth mesnatës kanë shtënë me armë zjarri në dyert e trafostacionit në fshatin Irzniq të Deçanit, ku si rrjedhojë janë djegur pajisjet elektroenergjetike brenda këtij trafostacioni.
Në lidhje me këtë teve1.info ka kontaktuar me zëdhënësin e policisë për rajonin e Pejës, Fadil Gashi, i cili tha se shkaktarët e këtij zjarri janë duke u hetuar.
“Sot rreth orës 7:30 policia është njoftuar për një zjarrë që ka kapluar një trafo në fshatin Irzniq. Në vend ngjarje ka dalur policia dhe eksperti i zjarrit. Dyshohet se zjarri nuk ka ardhur nga përdorimi i armës, por që rasti është duke u hetuar ende”, ka deklaruar ai.
