Vlerësohet si njëra ndër institucionet e sigurisë më profesionale në rajon. Por, Policia e Kosovës po shkon drejt plakjes.
E për të ruajtur efikasitetin dhe kredibilitetin që e posedon, po kërkohet që mosha e pensionimit të zbresë në 55 vjeç.
Madje Projektligji për pensionim të policëve e të zyrtarëve të inspektoratit policor, këtë të martë shkoi në Komisionin për Siguri.
Por për të dytën herë, kjo nismë ligjorë dështoi pasi partia në pushtet nuk mori pjesë në votim.
E sipas Sindikatës së Policisë së Kosovës, benefitet e këtij projektligji do të ishin të shumta.
Miratimin e këtij projektligji po kërkon edhe ish-drejtori i Policisë së Kosovës, Rashit Qalaj.
Kjo pasi sipas tij, ka shumë policë më sëmundje të rënda e në moshë të shtyrë të cilët do duhej të ishin në pension.
Policia e Kosovës numëron rreth 9500 zyrtarë, të cilët pavarësisht rrezikshmërisë në detyrë ende nuk kanë sigurim shëndetësor.
Kronikë e realizuar nga gazetarja, Doresa Geci
