Në komunikatën e policisë thuhet se dje rreth orës 17:50 në fshatin Jashanicë të Leposaviqit, policia ka ndaluar një automjet me targa të huaja, ruse në të cilën thuhet se gjendeshin dy persona, B.G., 68 vjeçar dhe A.F., 36 vjeçar.
Në njoftimin e policisë bëhet e ditur se të dyshuarit kanë hyrë nga territori i Serbisë në territorin e Kosovës duke kaluar në mënyrë ilegale vijën kufitare, shkruan teve1.info.
“Dyshohet se të dyshuarit duke përdorur rrugët ilegale kane hyrë në Republikën e Kosovës, me ç’rast të njëjtit kanë kryer veprën penale ‘Kalimi i paautorizuar i vendkalimeve kufitare ose i vijës kufitare’”, ka thënë Policia.
Tutje Policia ka njoftuar se lidhur me rastin është njoftuar prokurori kompetent i Prokurorisë Themelore në Mitrovicë, i cili ka autorizuar inicimin e rastit dhe tutje është thënë se me vendim të prokurorit, të dyshuarit janë dërguar në mbajtje.
