Kryeministri i Shqipërisë, Edi Rama, ka arritur në Shkup në kuadër të vizitës së tij në vendet e rajonit, ku si qëllim ka përgatitjet për Procesin e Berlinit.
Rama ka publikuar një fotografi në aeroportin e Shkupit ku është pritur nga zëvendëskryeministri i Maqedonisë Veriore,Artan Grubi.
Ndërsa, Grubi ka thënë se vizita e Ramës është vazhdimi i hapave të përbashkët drejt integrimit europian
“Për të vazhduar vëllazërisht hapin tonë drejt horizontit të zhvillimit dhe integrimit europian, me kënaqësinë më të madhe mirëprita sot në Aeroportin Ndërkombëtar të Shkupit, Kryeministrin e Republikës së Shqipërisë, Edi Rama”, ka shkruar ai në Facebook, përcjell teve1.info
Pas vizitës në Shkup, Rama pasdite do të jetë në Kosovë, ku është konfirmuar takimi me presidenten Vjosa Osmani dhe kryeparlamnetarin Glauk Konjufca.
Ndërsa, ende nuk është konfirmuar një takim me kryeministrin Kurti, i cili të mërkurën tha se një takim me Ramën e sheh të arsyeshëm në mbajtjen e mbledhjes së dy qeverive e cila ishte planifikuar të mbahej më 14 qershor, por që ishte anuluar nga Rama për shkak të situatës në veri të Kosovës.
Në këtë mbledhje Kurti kishte thënë se kanë qenë të parapara të nënshkruhen 13 marrëveshje në interes të qytetarëve të dy shteteve.
Rama para nisjes në Shkup ka njoftuar se nga Qeveria e Shqipërisë janë nënshkruar 13 marrëveshjet dhe i janë dërguar ministrisë së Jashtme të Kosovës, duke thënë se më këtë i ka” hequr merakun Kurtit” dhe se pret të ketë takim më të pasdite./teve1.info/
