E udhëheqës të institucioneve të sistemit të drejtësisë thonë se nëse Qeveria nuk anulon vendimin, pasojat do të jetë edhe më të mëdha pas datës 8 dhjetor.
Njësoj si gjyqtarët edhe Këshilli Prokurorial i Kosovës, në një mbledhje të jashtëzakonshme, kërkoi nga Qeveria anulimin e menjëhershëm të vendimit për zvogëlimin e pagave të tyre.
Reduktimi i punës nga ta, po shihet shqetësues nga njohës të fushës së drejtësisë.
Ehat Miftaraj nga IKD, thotë se nëse vazhdon gjatë ky bojkot, qytetarët që kanë pritur me vite për trajtimin e një lënde gjyqësore, pritja e tyre do të dyfishohet.
Sipas tij, ka rrezik të ndodhë edhe një e keqe më e madhe.
Opozita ani pse shprehet kritike ndaj punës në sistemin e drejtësisë, nuk po pajtohet që zyrtarëve t’u ulen pagat.
Madje, thonë se kjo nuk është punë e qeverisë.
“Ka raste e precedent të panumërt në praktikë ndërkombëtare që konfirmojnë se ulja e pagesës së gjyqtarëve e prokurorëve në emër të performancës, nga ekzekutivi, është shkelje e pavarësisë së tyre. Nuk i takon ekzekutivit, pra Qeverisë, që të rris e ulë paga në gjyqësor e prokurori në këtë mënyrë”, ka thënë deputetja e LDK-së, Doarsa Kica.
Vetëm gjatë të enjtes, mbi 150 seanca gjyqësore që ishin të paraparë për t’u mbajtur, u anuluan.
Njëra ndër to ishte edhe seanca për rastin ku ish-ministrit i Infrastrukturës Pal Lekaj dhe tre të tjerët Eset Berisha, Nebih Shatri dhe Besim Tahiri, akuzohen për keqpërdorim të detyrës zyrtare.
Kronika e realizuar nga Arton Rama
