Gjatë fjalës së saj për trafikimin me qeniet njerëzore në kontekstin kosovar, rajonal dhe global, Osmani theksoi se gratë dhe vajzat janë viktimat kryesore të këtij krimi.
“Gratë dhe vajzat janë viktimat kryesore të këtij krimi por statistikat vazhdojnë të jenë ende të mangëta… Anëtarësim i Kosovës në organizata Ndërkombëtare si Interpoli nuk është vetëm ambicie politike por parakusht për luftimin e krimit ndërkufitar dhe ndërkombëtar. T’i thush jo Kosovës në Interpol dhe KE do të thotë t’i thuash jo luftimit të trafikimit të qenieve njerëzore”, tha presidentja, transmeton teve1.info.
Osmani gjatë kësaj konfernce e cila po mbahet në Tiranë, tutje bëri të ditur se Kosova tashmë ka hartuar strategjinë kundër trafikimit e cila sipas saj pritet të miratohet së shpejti.
“Kosova ka hartuar strategjinë e re kundër trafikimit e cila pritet të miratohet së shpejti. Megjithatë dënimet e paktët për trafikantët e dënuar dëshmojnë se kemi akoma shum e shumë punë për të bërë. Trafikimi me qenie njerëzore është njollë e vazhdueshme e shoqërive tona. Gratë dhe vajzat kanë qenë viktimat kryesore të trafikimit, të cilat trafikohen me qëllim të shfrytëzimit seksual. Në Kosovë me shumë se 60 për qind, viktimat janë nën moshën 18 vjeçare”, u shpreh presidentja.
