Presidentja e Kosovës, Vjosa Osmani ka thënë se veriu i Kosovës është pjesë e pandashme e Republikës së Kosovës dhe se nuk do të lejojnë që kjo pjesë të bëhet fushëbetejë për arritjet hemogjeniste të autokratëve të rajonit.
Osmani në konferencën e përbashkët për media me sekretarin e NATO-së, Jens Stoltenberg, tha se Kosova përballet me ndërhyje dhe obstruksione nga jashtë që vijnë nga Rusia dhe Serbia, e të cilat siç ka thënë ajo kanë sjellë agresion.
“Veriu e Kosovës ka qenë dhe do të vazhdojë të jetë pjesë përbërëse e Kosovës. Nuk do të lejojmë që veriu të jetë fushëbetejë për arritjet hegjemoniste të autokratëve rajonal”, ka thënë Osmani, përcjell teve1.info
Ajo tha se Kosova është aleate e NATO-s dhe për këtë sulmohet, prandaj siç ka thënë ajo së bashku duhet luftuar.
Presidentja ka thënë se sukseset e Kosovës janë edhe suksese të NATO-s, duke shprehur përkushtimin dhe vullnetin e Kosovës për anëtarësim në këtë organizatë.
Për shkak se Kosova është sukses historik i NATO-s, ka forca keqdashëse që duan ta sfidojnë dhe ta rrënojnë atë. Nuk duhet ta lejojmë këtë. Kosova dhe rajoni nuk duhet të sfidohen për shkak të keqdashjes ruse”, tha ajo.
Osmani ka përmendur sulmet e ushtarëve të KFOR-it gjatë tensioneve në veri, ku ka shprehur keqardhje, duke ju uruar shërim.
Presidentja tha se nëse sulmuesit e KFOR-it, Policisë dhe gazetarëve nuk marrin dënimin e merituar, do të trimërohen për të vepruar njëjtë.
Osmani ka thënë se KFOR-i në Kosovë ka mundësuar të ketë një jetë të siguri dhe paqe.
Stoltenberg i bën thirrje Kosovës dhe Serbisë t’i përmbushin zotimet e Ohrit
