Osmani nga Sllovenia dha kritika për BE-në për mosliberalizim të vizave për kosovarët.
“Ne po shpresojmë që gjatë presidencës çeke, Kosova do të marr liberalizimi e vizave. Ngase është e papranueshme që çështja e vizave për Kosovën të hapet sërish. Ne kemi përmbushur kriteret para katër viteve. PE ka votuar dy herë për neve tani i mbetet shteteve anëtare, e presim të arrihet në muajt në vijim”, tha Osmani.
Mbështetje për heqjen e regjimit të vizave, i dha edhe presidenti slloven Borut Pahor.
“Fillimisht ne presim nga partnerët tanë evropianë të përmbushin premtimet e tyre dhe këtu e kam fjalën për liberalizimin e vizave. Marrëveshja veçse është arritur dhe do të ishte e padrejtë për të rihapur këto diskutime”, tha presidenti Pahor.
Në konferencë u fol edhe për dialogun Kosovë-Serbi, ku presidentja Osmani tha se Kosova është treguar konstruktive dhe paralajmëroi një takim të mundshëm mes Kurtit e Vuçiqit.
“Dialogu mes Kosovës dhe Serbisë është duke vazhduar në nivel kryenegociatorësh. Por së shpejti unë besoj se përgjatë korrikut, por kjo varet nga ndërmjetësuesi Bashkimi Evropian takim në mes të liderëve. Dialogu ka qenë i vazhdueshëm dhe dinamik dhe po ashtu ka rezultuar në marrëveshjen për udhëzuesin në energji, që mendoj se është një arritje e madhe në proces”, tha ajo.
Tema të tjera të diskutimit ishin edhe ato për bashkëpunimin ekonomik mes dy vendeve. /Tëvë1/
