Si shqetësuese për pavarësinë e gjyqësorit, është kategorizuar vendimi i Qeverisë për uljen e pagave të gjyqtarëve dhe prokurorëve, në Raportin e Progresit.
Në këtë dokument, sipas Viona Bunjaku nga Lëvizja FOL, theks të veçantë i është kushtuar mospërfilljes së rekomandimeve të komisionit të Venecias në hartimin e ligjeve.
E vonesa në emërimin e kryeprokurorit të shtetit, Raporti i Progresit e vlerësoi se po dëmton funksionimin e institucioneve, duke shkaktuar gjendje pasigurie.
Tutje, Anton Nrecaj nga Instituti CLARD, thekson adresimin e ndërhyrjes së politikës në këtë raport, gjë për të cilën, Nrecaj konsideron se ekzekutivi duhet të reflektojë.
Në raport janë dhënë edhe disa rekomandime.
Në vitin e ardhshëm, Kosova në veçanti duhet:
→ të ndërmarrë veprime të menjëhershme për zbatimin e detyrimeve që rrjedhin nga angazhimi i përbashkët deklaratë e nënshkruar nga krerët e institucioneve të sistemit të drejtësisë.
→ rritja e përpjekjeve për të reduktuar numrin e rasteve të mbetura, bazuar në një plan të qartë veprimi me auditime dhe kontrolli i brendshëm i mbështetur nga një strategji dixhitalizimi. Për këtë qëllim, Kosova duhet të reformoj administratën e gjykatës dhe prokurorisë, dhe të forcojë funksionet e menaxhimit në gjyqësori dhe prokuroria për të siguruar përdorimin efikas të burimeve.
→ përmirësimi i kapaciteteve të gjyqtarëve dhe prokurorëve për të trajtuar rastet e dhunës me bazë gjinore.
Tutje poashtu u theksua nevoja e trajnimeve të mëtejshme për gjyqtarë e prokrurorë, në mënyrë që ta kuptojnë rolin dhe përgjegjësitë e tyre.
