Përmes një postimi në Facebook, ajo këtë e ka quajtur si një betejë me keqpërdoruesit në këtë Ministri duke thënë se si rezultat i kësaj kanë pësuar dhjetëra, mijëra studentë që kanë vijuar studimet në Instituticionet e Arsimit të Lartë.
Sipas saj, shumë studentë nuk kanë mundur t’i verifikojnë diplomat e tyre për punësim dhe vazhdim të studimeve për shkak se kanë rënë pre e mashtrimeve.
Ajo tha se ka kërkuar nga Krimet Ekonomike në Policinë e Kosovës që të zhvillojë hetime lidhur me këtë çështje.
“Si Ministri kemi vënë në dispozicion të Policisë një numër të dokumenteve me qëllim të zhvillimit të hetimeve. Ndërkaq, gjatë ditës së sotme, përmes një shkrese kam kërkuar nga kjo Njësi e Policisë së Kosovës që konform legjislacionit në fuqi të më informojnë për procesin hetimor të deritanishëm në lidhje më këtë proces”, thuhet ndër tjerash në njoftim.
Tutje, Nagavci deklaron se pret që kjo çështje të trajtohet me prioritet si dhe përgjegjësit të sillen para drejtësisë./teve1.info/
