Mushkolaj në emisionin “Info Nata” në Tëvë1, tha se veteranët duhet të përshihen në ligjin për paga, pasi siç u shpreh ai, një pagë që e kanë veteranët e luftës nuk është pagë por social.
“Kjo protestë nuk është dashur që të vijë deri këtu për shkak se ne kemi luftuar për të pasur një shtet tonë ligjor. Një shtet që duhet të kujdeset për këto kategori të luftës. Veteranët e luftës është dashur që të përfshihen në këtë ligj, për shkak se një pagë që e kanë veteranët e luftës është jo pagë po mund të themi një social që e marrin 170 euro dhe nuk kanë asnjë drejtë tjetër qoftë edhe për të punuar sepse edhe nëse punojnë kjo pagë u ndalohet”, tha ai.
Ai thotë se deputetët duhet të mendojnë ndryshe për veteranët, pasi sipas tij, po të mos ishte ky gjak nuk do të ishin as në Parlament e nuk do të kishin as shtet.
“Për të vazhduar protestën, ne kemi kryesinë e veteranëve dhe duhet të ulemi e të bisedojmë për mbarëvajtjen e protestave, por unë besojë që nuk duhet të na qojnë të dalim në rrugë dhe të protestojmë. Nëse dhe kjo vlerë e luftës nuk merret parasysh atëherë duke dit se nga kjo vlerë kemi ardhur deri te shteti dhe këto institucione tona janë ndërtuar mbi këtë vlerë, gjak e mund. Prandaj njerëzit e zgjedhur nga populli duhet të mendojnë ndryshe, sepse po të mos ishte ky gjak nuk do të ishin as në parlament, por nuk do të kishin as shtet, do të ishte një Kosovë krejt ndryshe”, deklaroi Mushkolaj. /teve1.info/
