Murati të hënën në një konferencë për medie përsëriti qëndrimin e Qeverisë për pastrim të listave, në mënyrë siç tha ai të ketë një pagë të dinjitetshme për këtë kategori.
“Po besoj që mund të arrijmë një dakoordim me veteranët se si të ecim tutje me një ligj të ri, që do të siguronte një listë të pastruar dhe pastaj do të mund të bisedonim edhe për mënyrën se si të trajtohet dinjitetshëm kjo kategori e shoqërisë sonë”, tha Murati shkruan teve1.info.
Veteranët e UÇK-së, kanë protestuar para Kuvendit të Kosovës duke kundërshtuar Ligjin për pagën minimale.
Ata kanë pasur edhe një takim me kryeministrin Kurti, i cili u ka premtuar se përmes një letre do të ofrojë propozimet për ta, të cilat ende nuk i ka dërguar.
Ministri Murati të hënë ku dha detaje për Pakon e re të Qeverisë nga një të punësuar për secilën familje, foli edhe sa i përket akuzave se vendosja e çmimit tavan sa i përket fitimit për karburantet ëshë anti-kushtetuese, pasi që Kosova me Kushtetutë është ekonomi e tregut të lirë.
Ai duk treguar se është duke u punuar që edhe për çmimet e produkteve bazë të merret një vendim i njëjtë, tha se nuk janë në kundërshtim me Kushtetutën, pasi ajo parasheh dhe ruajtjen e dinjitetit dhe mirëqenies.
“Kushtetuta parasheh edhe dinjitetin dhe mirëqenien njerëzore. Sa herë që këto dyja vihen përballë kushteve të tjera zakonisht mbizotëron dinjiteti dhe mirëqenia njerëzore”, tha Murati.
Ai tha se vendimi për çmimin e derivateve ka dhënë rezultate./teve1.info/
