Edhe në këtë vit, Parlamenti Evropian ka bërë thirrje që të njihet Kosova nga pesë vendet mos-njohëse të BE-së.
E kjo thirrje bëhet tash e disa herë në raportin për Kosovën nga Komisioni për Politikë të Jashtme drejt Spanjës, Greqisë, Qipros, Rumanisë dhe Sllovakisë.
Kjo thirrje po mirëpritet nga deputetët e partisë në pushtet në Kosovë.
Anëtarja e Lëvizjes Vetëvendosje në Komisionit për Punë të Jashtme dhe Diasporë, Fitore Pacolli thotë se këto thirrje duhet të vazhdojnë.
Madje sipas Pacollit, ka disa vende mos-njohëse që janë afër këtij hapi.
Nga ana tjetër, sipas profesorit Seb Bytyci këto thirrje nga Parlamenti Evropian tregojnë se ky institucion është pro Kosovës.
Në këtë raport të Parlamentit Evropian janë paraqitur mbi 300 amendamente nga deputetë të ndryshëm, e pikërisht për këtë pikë shteti i Spanjës ka kërkuar që të hiqen nga raporti.
Kronika e realizuar nga gazetarja Fetije Kamberi
